دهیواد دخپلواکی 94 کلیزه دحکومت خاموشی او پیکه لمانځنه - لیکونکی : نصیر احمد " څپاند"

گرانو هیوادوالو دهرڅه نه مخکی  دهیواد دسیاسی خپلواکی دبیرته اخیستنی 94 کلیزه مو مبارک شه

قدرمنو هیوادوالو تاسی ته بهتر ه معلومه ده چی دهیوادخپلواکی مونږ ته چا په خیرات او یا سوغات کی نده راکړی  دا دهغو باهمت او با شهامت افغانانو دوینو اوککریو په قربانیو اخیستل شوی او تر لاسه شوی ده چی په کال1919 کی د ستر رهبر او دازادی سپه سالار غازی  امیر امان الله لخوا داسد په  28 نیټه رسمآ اعلان شوه  او  دافغانستان دحکومت لخوا دغه  نیکمرغه او پرتمینه ورځ په دیرو شاندارو او پرجوشه مراسمو سره دیو ملی جشن  په توگه لمانځل کیده او دغه ورځ کی به دهیواد په گوډ گوډ جشنونه او میلی  به وی . مگر په ډیر تاسف او خواشینی سره دا څوکاله د حکومت او هم د تش په نوم سیاسی اپوزیسیون لخوا ډیره پیکه لمانځل کیږی . 

ادامه مطلب

پښتانهٔ باید بیداراوسي:انجنیرعبدالصبورساپی

د امریکا او پاکستان ترمنځ پټې معاملې، له افغانستان سره ئې په امنیتی تړون ناندرۍ، ترهرڅه زیات د افغانستان لپاره ډېرې حساسې، اړينې او حیاتي دي، دا ځکه چې د افغانستان دښمنان په تېره بیا پاکستان او ایران چې پدا پنځدېرشو کلونوکې اور ته لمن وهي؛ او ترې ګټه اخلي د افغانستان د لویو ستونځو یوه اساسه برخه جوړوي، د امریکا اوناټوشتون په داسې حالکې  سیمه کې په خپله ګټه نه بولي چې امریکا اوناټو خپل نیت کې هم د افغانستان لپاره صادق نه ښکاري، امریکا تر افغانستان  زیات د پاکستان ګټوته ژمنه ده او دغه شرور ملک خپل ډېرنږدې  ملګری بولي، د امریکا دغه نږدې ملګرتیا د پاکستان سره د دې سبب شوې چې نن ورځ پاکستان په افغانستان کې د خپل « ژورو ستراتېژیکو ګټو»په لټه کې شي، چې مقصد ئې په افغانستان کې دیو ضعیف ، لاسپوسی، اوکه په ساده ډول ووایم؛ د داسې یو حکومت رامنځته کول دي.

ادامه مطلب

د افغانستان ولسمشرۍ ته احتمالي کاندیدان/ ژباړن یحیي یعقوبي

په افغانستان کې د ۲۰۱۴ کال په ولسمشریزو ټاکنو کې د متحده ایالاتو نه لاسوهنه یو ښه نظر دی، خو عملي به ځکه نه وي چې تر یاد کال وروسته  د افغانستان پریښودل د امریکا لپاره کوم انتخاب نه دی او له ټاکنو ګوښه والی هم ورته مانا لري.

متحده ایالاتو په ۲۰۰۱ کال کې د طالبانو رژیم ړنګ او پر ځای د حامد کرزي په مشرۍ یو نا ثمره دولت رامنځ ته کړ، چې د ۱۲ کلونو لپاره د ۱۵۰زره بهرنیو سرتیرو او ملیاردونو ډالرو مرستو پر مټ دوام وکړ، نو ایا د……..

ادامه مطلب

د روژې دیرشمه تحفه - لیکوال : نثار احمد صمد

د روژې دیرشمه تحفه

 

ګرانو او متدینو دوستانو ، تاسو خو د دې تحفو نهه ویشت برخی ولوستلې . خدای دی وکړی چی محتویاتو یې لږ یا ډیر ایمانی ، اخلاقی او اصلاحی اثر ښندلی وی . دا ټول مواد زما د ناچاپه اثر ( اخلاقی کنایې ؛ دوهم جلد ) څخه انتخاب سوي وو . دغه اثر څه باندی ۴۰۰ آموزنده ، انتباهی ، تربیوي ، اصلاحی او اخلاقی عنوانونه او موضوعات لری . ډیرو دوستانو راڅخه غوښتي دي چی دغه اثر هم د لومړي جلد غوندی چاپ کړم . نو دا دی اوس پر درنو مینه والو زیری کوم چی د اخلاقی کنایو دوهم جلد هم د چاپ لپاره چمتو کیږی او هیله من یم چی تر چاپ وروسته یې په مینه ولولیً .

ادامه مطلب

اختر مو مبارک شه

درنو هیواد والو اختر مو مبارک شه

هموطنان عزیزعید تان مبارک باد

www.sapand.blogfa.com

 

اداری فساد پیژنی؟ محمد ظهور پوپلزی

مقدمه
یو له هغه مشکلاتو او پرابلمونو څخه چی عامه اداره(ددولت اداره) ور سره لاس او ګریوان دی هغه فساد دی.
فساد په یوه ټولنه کی منابع ضایع کوی او له منځه یی وړی، ښه حکومتداری له چلنجونو سره مخامخ کوی، اقتصادی پرمختیا تحدیدوی اود عامه المنفعه خدماتو وړاندی کول د موانعو سره مخامخ کوی بلاخره د ټولنی نظم او امنیت تهدیدوی.
د فساد پر وړاندی مبارزه په لمړی قدم کی ددی ایجاب کوی چی ددی پدیدی په اړه دقیق، علمی اوعملی مطالعات صورت ونیسی ترڅو د فساد ریښه او منشاء په ټولنه کی په ښه ډول درک شی او د فساد علل او عوامل په په واقعی ډول د اجتماعی، اقتصادی او فرهنګی شرایطو به تطبیق سره و څیړل شی.

ادامه مطلب

د روژې شپږویشتمه -روژې اووه ویشتمه - اته ویشتمه او نهه ویشتمه تحفه - لیکوال : نثار احمد صمد

د روژې شپږویشتمه تحفه

 

عزتمنو دوستانو ، روژه د عبادت ، رحمت او مغفرت یوه ځانګړې میاشت او موقع ده . د نامشروع خواهشاتو پر ضد د مبارزې میاشت ده ؛ د تربیې ، عبرت او پرهیز میاشت ده . نو باید فرصت له لاسه ورنکړو ، ځکه خورا مهمه او وروستۍ لسیزه درومی . څومره چی کیدای سی باید فرضي او نفلی عبادات وکړو ، د قرآنکریم تلاوت زیات کړو ، الهی ذکر او دعاوی زیاتی کړو ، له دوږخه لیری والی او جنت ته تقرب وګټو ، ایمان بیرته تجدید او تازه کړو ، نفسانی هوسونه تحریم او تحدید کړو.... نو په همدې هیله دا ده شپږویشتمه تحفه درته وړاندی کوم ( ن . صمد )

ادامه مطلب

زموږ مضره ګاونډیان - صالح رحیمي

د سپین بولدک او چمن تر منځ یوه دروازه ده چې پاکستانیانو ورباندې د باب دوستي نوم ایښی دی. تېره اونۍ چې په رسنیو کې افغانستان ته د پاکستاني مقام سرتاج عزیز د سفر خبرې تودې وې، باب دوستي ته نږدې د یوه جومات څنګ ته یوه زوروره چاودنه شوه چې لږ تر لږه دوه کسه پکې ووژل شول او اته تنه ټپیان شول. ټپیان د چمن روغتون ته ورسول شول او دغه وخت پولیسو روغتون ته څېرمه یو بل بم کشف کړ چې د روغتون د تباه کولو لپاره ایښودل شوی و. پاکستاني مطبوعاتو په دې باره کې څه نه دي ویلي چې دغه بمونه چا ایښي وو خو په دې باندې هر څوک خبر دي چې په پاکستان کې داسې قوتونه هم پیدا شوي دي چې د ډیورند د کرښې دواړو غاړو ته په جوماتونو کې بمونه الوزول او په روغتونونو باندې انتحاري حملې کول ورته بده خبره نه ښکاري.

ادامه مطلب

د روژې درویشتمه - څلیرویشتمه- او پنځه ویشتمه تحفه - لیکوال : نثار احمد صمد

د روژې درویشتمه تحفه

 

قدرمنو دوستانو ، پوهانو ویلی دي چی په روژه مات کی باید دومره غذا و نه خوړل سی چی د نس کڅوړه ډیره تخته او ډکه سی چی له امله یې نه هغه انسان سمه ساه اخیستلای سی ، نه سمی او آرامی خبری کولای سی ، نه سم کښینستلای سی..... نو ځکه رسول الله (ص) فرمایلی دي چی « د آدم (ع) اولاد د خپل نس څخه بل ناکاره لوښی نه دی ډک کړی . »

روژې ته الله تعالی ځکه د نورو یوولسو میاشتو په پرتله ډیر اهمیت ورکوی چی اول خو یې دا خپله میاشت بللې ده ، او دوهم دا چی هدف یې دا دی چی که یې بندګانو په دا نورو ۱۱ میاشتو کی په خپلو دینی عباداتو او نیکیو کی د غفلت ، سُستۍ او بې پروایۍ څخه کار اخیستی وی نو په دې میاشت کی هغه جبران کړی او دا یوه بهترینه موقع ده چی هره نیکی او عبادت څو چنده عوض لری . او دا هم درویشتمه تحفه ( ن . صمد )

ادامه مطلب

محور ورځپاڼه: ولسمشر کرزی د پنجشيريانو په انحصار کې

ادامه مطلب

د روژې یوویشتمه او دوه ویشتمه تحفه - لیکوال : نثار احمد صمد

د روژې یوویشتمه تحفه

 

متدینو دوستانو ، د مبارکی روژې دوې لسیزی تیری سوې چی لومړنۍ د رحمت او دوهمه د مغفرت وه . نن د روژې مبارکی درېیمه لسیزه پیل سوه چی له دوږخه د نجات عشره ده . ښه به دا وی چی ( اللهم اجرنی مِن النار ) او نور تسبیحات ووایو او د خدای څخه د جنت طلب وکړو . ځکه دا د لیلة القدر لسیزه ده .

رسول الله (ص) فرمایلی دي چی زما امت ته د روژې په هکله پنځه داسی شیان ورکول سوي دي چی پخوا نورو امتونو ته نه وو ورکړل سوي :

لومړی ـ د خولې بد بویی یې د الله لپاره تر مشکو هم د خوښۍ وړ ده ؛

دوهم ـ د هغوی لپاره آن تر ماهیانو پوری لا هم هر څه دعاوی کوی او هغه تر روژه ماتې پوری کوی ؛

درېیم ـ جنت هره ورځ د دوی لپاره سمیږی او الله ورته فرمایی چی ژر به زما بنده ( د د نیا ) مشقتونه پر ځان تیر کړی او تا ته به راسی ؛

څلورم ـ شیطان ورڅخه قید سوی دی تر څو هغسی بدیو ته یې نه بوزی چی په غیر رمضان کی به یې بیویً ؛

پنځم ـ د روژې په آخري شپه به د روژه لرونکو لپاره مغفرت کیږی .

اصحابو ورڅخه وپوښتل چی آیا د وروستۍ شپې څخه مطلب د لیلة القدر شپه ده ؟ ویې فرمایل چی یا ، بلکی دستور دا دی چی مزدور ته اجوره د کار تر ختمیدو وروسته ورکول کیږی . نو په همدې امید لطفأ یوویشتمه تحفه ولولیً ( ن . صمد )

ادامه مطلب

په پښتونستان څلولارې کې د پښتونستان لوحې ودرول شوې

خبریال:(ابوبکر جبارخېل):- د قبایلو وزارت، ملي تحریک ګوند، ژوندون تلویزیون او یو شمیر نورو فرهنګیانو له لوري د دوشنبې په ورځ کابل کې د ولسمشرۍ ماڼۍ مخې ته د پښتونستان څلور لارې په څلورو څنډو کې د پښتونستان واټ په نومونو څلور لوحې ودرول شوې.

د کابل پوهنتون استاد، د ملي تحریک ګوند یو تن مشر او د ژوندون تلویزیون موسس پوهنوال محمد اسمعیل یون د یادو لوحو له درولو وروسته تاند ته وویل، چې د لوحو له درولو څخه یې ډیرې تاریخې  موخې وې چې ترسره شوې.

ادامه مطلب

د روژې شپاړسمه - اوولسمه- اتلسمه - نولسمه او شلمه تحفه - لیکوال : نثار احمد صمد

د روژې شپاړسمه تحفه

 

عزتمنو لوستونکو ، د روژې مبارکه میاشت تر نیمایی واوښته او مرحبا په الوداع سره بدله سوه . زموږ د ټولو ژوند هم کټ مټ د الوداع په حال کی دی . نن وی که سبا ، ملک الموت مو راګیروی . آیا څوک پوهیږی چی همدا روژه به پوره کړو ؟! آیا راتلونکې روژه به « دلته » یو که « هلته » ؟! نو څومره به ښه وی چی توښه همدا اوس لا برابره کړو او موقع له لاسه و نه باسو . یعنی زیات عبادت ، اطاعت ، ریاضت ، تلاوت او افادیت ته مخه کړو . دا هم د روژې شپاړسمه تحفه چی ستاسو خدمت ته یې وړاندی کوم ( ن . صمد )

 

ادامه مطلب

دفتري (اداري) سياست - نقيب الله لطيفي

موږ ګڼي داسي ادارې ليدلي، چي د بېلابېلو ژبو، نيژادونو، ملتونو، سيمو او مذاهبو وګړي پکښي راټول او د يو هدف لپاره کار کوي. د منجمنټ د علم له مخي ددغسي انساني قواوو يو ځای کار کولو ته د کاري ځواک رنګارنګي وايي.

خو په ځينو مواردو کي دغسي ادارې له يو لړ ناندريو، ستونزو او چلنجونه سره هم مخ وي، مثلاً د کارمندانو تر منځ منفي رقابت، ناوړه ګټه اخيستنه، کرکه، چوغلي او هتا ګاهي ناوخته شخړي او فزيکي برخورد هم په اجود راځي، چي د وخت په تېرېدو سره کارمندان له دفتري ماحول څخه خسته او خواتوري کېږی.

ادامه مطلب

پران؛ د هندي سينما ستر لوبغاړی په افغاني کرکټر کې - ليکوال: محبوب الله خان

دهند په پلازمېنه زاړه ډيلي کې چاندني چوک ته څېرمه يوه تنګه کوڅه بيلي ماران نومېږي. له نن څخه ۹۳ کاله د مخه پران همدلته سترګې پرانيستې. هغه د اتر پردېش په رامپور کې زده کړې وکړې او غوښتل يې چې يو مسلکي عکاس شي. په همدې خاطر يې په ډيلي کې مسلکي زده کړې هم وکړې.

ادامه مطلب

مجتبی پتنګ ملي رسالت اداء کړ - صمد افغان

نن ولسي جرګې د کورنیو چارو وزیر مجتبي پتنګ، سلب صلاحیت کړ، هغه غونډه چې د ولسي جرګې د رئيس په مشرۍ جوړه شوې وه، ټولو حاضرو غړو څخه يې ۱۳۶تنو پتنګ ته د عدم اعتماد او يوازې ۶۰تنو استازو موافقې رايې ورکړې، ولسي جرګې ته د کورنيو چارو د پخواني وزير مجتبی پتنګ د غوښتلو اصلي ټکي (په لویو لارو کې د امنیتي وضعیت په ښه کولو کې پر پاتې راتلو او په کورنيو چارو وزارت کې د فساد پرشتون و)، ښاغلي پتنګ په ځواب کې داسې ووئيل (د لویو لارو ساتنه یوازې د کورنیو چارو وزارت دنده نه ده بلکې د ملي امنیت او ملي اردو مسوولیت هم دی)، پتنګ خصوصي امنیتي شرکتونه تورن کړل چې وسله والو طالبانو ته پیسې ورکوي څو پر اکمالاتي کاروانونو بریدونه ونه کړي، نوموړي په خپل وزارت کې فساد رد نه کړ، ویې ویل دا پدیده په ټولو ادارو کې شته او د ده تر مشرۍ لاندې کورنیو چارو وزارت ته هم په میراث ورپاتې ده، په وينا يې چې بايد له فساد سره د مبارزې لپاره د ټولو اورګانونو همکاري وکړي، خو د پتنګ خبرو د جرګې د غړو قناعت حاصل نه کړی شو او په پای کې يې د اعتماد رايه ځينې واخيسته، د يادې غونډې په پای کې د ولسي جرګې رييس له ولسمشر کرزي څخه وغوښتل چې د ښاغلي پتنګ پر ځای د کورنیو چارو وزارت ته بل څوک ورمعرفي کړي.

ادامه مطلب

د روژې پنځلسمه تحفه - لیکوال : نثار احمد صمد

د روژې پنځلسمه تحفه

 

ګرانو او معززو دوستانو ، روژه مبارکه هم نیمایی ته ورسیده او خدای دی وکړی چی تیرو برخو څه نا څه معنوی ، روحانی او ایمانی ګټه رسولې وی . ښایی هغو کسانو ته چی د دین په چارو کی یو څه کهالت او عطالت لری ، که نور نه وی اقلأ معلوماتی خو واقع سوي وی ! څه معلومه ده چی ژوند به نوره یاري هم وکړی که یا ؟! څومره نامناسب ، ناوړه او نامطلوب کارونه مو کړي دي ؟! آیا یوه ذره ګټه یې رارسولې ده ؟ راځی چی نور نو په ځان کی عملأ تغیر راولو تر څو الله تعالی مو حالت راتغییر کړی ( الرعد ـ ۱۱ ) ؛ که نه همدا په اصطلاح آش او همدا کاسه به وی او خوله  به مو راسوځوی . دا هم پنځلسمه تحفه چی ستاسو درانه حضور ته یې وړاندی کوم ( ن . صمد )

ادامه مطلب

د روژې دیارلسمه او څوارلسمه تحفه - لیکوال : نثار احمد صمد

د روژې دیارلسمه تحفه

 

ګرانو او متدینو لوستونکو ، وړمه ورځ د کاناډا په اېجکس ښار کی یوه ډیره زړه دردونکې پیښه رامنځته سوه : یوه منوره او مشهوره افغاني کورنۍ ده چی یوه ډیره ښایسته ، متدینه ، تعلیم یافته او مهربانه لور یې درلوده چی په یوه ډیره مشهوره کمپنۍ کی منېجره وه او تل به یې ښه حجاب او اسلامی لباس اغوست . خورا ټینګه پرهیزګاره او زاهده پیغله وه . والدینو دغه پېغله په افغانستان کی یو ځوان ته ورکړه چی یو نیم کال مخکی د کابل د طب پوهنځی څخه فارغ سوی او تازه ډاکټر سوی و . دغه ځوان درې میاشتی مخکی کاناډا ته راورسېد او میرمنی یې ښه کور هم ورته رانیوی چی دواړه پکښی اوسېدل . یو ښایسته زوی یې هم درلود چی یو نیم کلن دی ( ځکه هغوی درې کاله مخکی په کندهار کی واده کړی و ) .

ادامه مطلب

هغوي چې تللي!!! وفا

دا نړۍ د ازمایښت ځاي دی. هغوي چې یو ځل راغلي او بیا بیرته تللي ، دلته یي له ځانه یو څه پریښې دي. چا میړانه کړي ، بیا نورو تیروتنې کړي. هر څه چې شوي ، د دې خاوریني کوري پر سر د هر ژوي په تیره بیا د انسان د کړو وړو څخه حکا یت کوي. ولي هر وګړی یو ځل راځې او د ازمایښت د ټاکلي دوري وروسته بیا بیرته ځې او د هغه په کالبوت کې ژوند بیرته نه تکراریږي. دا ځکه چې د هر ژوي ، په ځانګړي توګه د هر وګړي ژوند د نړۍ د ازمایښت یوه برخه ده.

ادامه مطلب